সদৌ অসম গৰীয়া জাতীয় পৰিষদৰ বৰপেটা জিলা সমিতি যোৱা ২৭ অক্টোবৰ তাৰিখে সৰভোগৰ বৰনগৰৰ ব্ৰজসদনত হোৱা সভাত গঠন হয় ৷

দুৰ্ভাগ্যজনক

২০২২ চনৰ ১১ ছেপ্তেম্বৰ তাৰিখে গুৱাহাটী প্ৰেছ ক্লাবত গৰীয়া জনগোষ্ঠীৰ ইতিহাস আৰু বৰ্তমানৰ স্থিতিৰ ওপৰত এখন আলোচনা চক্ৰ আয়োজন কৰা হৈছিল। উক্ত অনুষ্ঠানতে যাদু সম্ৰাট প্ৰয়াত এম হুছেইন বটাঁ জেষ্ঠ সাংবাদিক ৰাজদ্বীপ বাইলুং বৰুৱাক প্ৰদান কৰা হৈছিল । অনুষ্ঠান জিকিৰ গৱেষক ড° ভুৱেনেশ্বৰ ডেকা ছাৰে আলোচক হিচাপে অংশগ্ৰহণ কৰিছিল।

সদৌ অসম গৰীয়া জাতীয় পৰিষদৰ ৰাজ্যিক সমিতিৰ প্ৰথম বৰ্ধিত কাৰ্যনিৰ্বাহক সভা ২০২১ চনৰ ২৪ অক্টোবৰ তাৰিখে গোলাঘাট চহৰৰ এমেচাৰ থিয়েটাৰ চছাইটি অনুষ্ঠিত হৈছিল ৷

২০২২ চনৰ ২৮ আৰু ২৯ জানুৱাৰী তাৰিখে সদৌ অসম গৰীয়া জাতীয় পৰিষদৰ প্ৰথম ৰাজ্যিক প্ৰতিষ্ঠা দিৱস নগাঁওৰ জিলা পুথিভঁৰালত দুদিনীয়া কাৰ্যসূচীৰে উদযাপন কৰা হৈছিল ৷ দ্বিতীয় দিনাৰ মকলি সভাত মুখ্য অতিতি হিচাৰে বটদ্ৰবাৰ নৰোৱা সত্ৰৰ প্ৰয়াত সত্ৰাধিকাৰ দেৱানল্দ দেৱ গোস্বামী মহাশয় উপস্থিত আছিল। তাৰোপৰি নগাওঁ সদৰ সমষ্টিৰ বিধায়ক শ্ৰীযুত ৰূপক শৰ্মা মহোদয়ৰ উপৰিও ভালেকেইজন গণ্যমান্য ব্যক্তি উপস্থিত হৈ সভাৰ সৌষ্ঠৱ বৃদ্ধি কৰিছিল। সেই অনুষ্ঠানতে বিশিষ্ট পৰিৱেশবিদ তথা সাংবাদিক গোলাঘাটৰ শ্ৰী অপুৰ্ববল্লভ গোস্বামী দেৱক বীৰযোদ্ধা ৰমজান খাঁ হিলৈধাৰী বটাঁৰে সন্মানিত কৰা হৈছিল। তাৰোপৰি অসমৰ প্ৰথমা মহিলা এথেলিট শ্ৰদ্ধাৰ তৈযবুন নেচা ডাঙৰীয়ানীক আজাদ হিন্দ ফৌজৰ একমাত্ৰ অসমীয়া চহিদ নৱাব চেহিদুৰ ৰহমান বটাঁৰে বিভুষিত কৰা হয়।